Plan de estudos

Durante os 2 primeiros cuadrimestres impártense 46,5 créditos comúns e obrigatorios, que poderiamos clasificar en:

• Tecnolóxicos (27 ECTS): tratan temas de programación, renderización de imaxe, análise da contorna real, interacción co usuario, Realidade Estendida móbil e contornas virtuais colaborativas.
• Producción (19.5 ECTS): tratan sobre a produción de contidos e os fluxos de traballo con equipos multidisciplinares, ademais de revisar o equipamento que estea dispoñible no mercado.

Para poder formar os dous perfís profesionais distintos que facilita este mestrado, definíronse 2 especialidades, sendo obrigatorio elixir unha delas. Cada especialidade consta de 6 materias obrigatorias, sumando un total de 13,5 ECTS no segundo cuadrimestre e 9 ECTS no terceiro cuadrimestre. Son as seguintes:

•  Técnico avanzado en Realidade Estendida: profúndase na algorítmica, programación e optimización das prestacións dos sistemas que implementan os espazos virtuais.
• Deseñador de experiencias en Realidade Estendida: profúndase na integración dos espazos virtuais nos procesos de produción xa existentes, na satisfacción do usuario e na creación de novas solucións en diversos ámbitos (deseño, produción, mantemento, adestramento…) e sectores (industria 4.0, saúde, educación…).

O terceiro cuadrimestre, ademais de profundar nos temas da especialidade elixida, dedícase a dous aspectos:

• Desenvolvemento profesional (12 ECTS): consta dunha materia onde se tratan cuestións relacionadas co emprendemento, a innovación e a xestión dun proxecto empresarial. Por outra banda, a integración laboral foméntase con prácticas obrigatorias nunha empresa do sector.
• Traballo Fin de Mestrado (9 ECTS): tentarase potenciar a realización de traballos de utilidade para as empresas e a colaboración entre estudantes das dúas especialidades.